Main.... By Richa Vatsyayan

MAIN

Lad lad kar aage aaun main, phir bhi kyun gir jaun main?

Himmat kar phir uth jaun main, or phir se daud lagaun main,

Phir thokar khakar ladkhadaun main, or phir peeche rah jaun main,

Baar baar himmat jutaaun main, aur apni takdeer se lad jaun main,

Par jab sitaron ka sath na paun main, to kya yunhi bikhar jaun main?

Dil se jise paana chahun main, har baar haath aage badhaun main,

Bas choote choote rah jaun main, to kaise dill ko samjhaun main?

Kya yunhi nirash hokar thak kar vahin tham jaun main?

Jo sapna apni saanson me basaun main, use aise kaise bhool jaun main?

Apne sapne ki khatir is duniya se ladd jaun main,

Jo darker tham gayi main yunhi,

To fir Main kaise kahlaun “Main”…

Happy B'day Sis (choti princess :D)